Kornmeti

Unnið kornmeti, pasta og brauð: Fæðutegundir úr ræktuðu korni eru „nýjar" fyrir heila okkar, afurð tíu þúsund ára gamallar akuryrkjubyltingar. Korn, sem fannst tæpast í mataræði steinaldarinnar, átti engan þátt í mótun erfðavísa okkar. Engu að síður er það verulegur þáttur í mataræði nútímans. „Korn er kannski ekki skaðlegt í sjálfu sér," segir dr. Eaton, en hann óttast að það komi í stað mjög mikilvægra ávaxta og grænmetis, sem hafa verið uppistaða í mataræði okkar um milljónir ára, „þar sem korn hefur aftur á móti verið uppistaðan einungis í fáeinar aldir." Aðrir vísindamenn benda á að korn, sérstaklega hveiti, geti valdið vægum ofnæmisviðbrögðum hjá mörgu fólki, orsakað höfuðverk og þunglyndi, ásamt liðagigt og þarmavandamálum, sem sé hugsanleg afleiðing erfðafræðilegs ósamræmis. (Úr bókinni)